UEFA C. League: Real Madrid yasezereye Manchester City, PSV itungura Juventus
Yanditswe: BYIRINGIRO ISRAEL
Itariki:
2025-02-20 06:14:01
Real Madrid yatsinze Manchester City ibitego 3-1, iyisezerera ku giteranyo cy’ibitego 6-3 mu Mikino ya Kamarampaka ya UEFA Champions League.Mu ijoro ryo ku wa Gatatu tariki ya 19 Gashyantare 2025, hakinwe indi mikino yo kwishyura ya kamarampaka yo gushaka itike ya 1/8 cyirangiza.Umukino wari utengerejwe Real Madrid yo muri Espagne yari yarikiye Manchester City yo mu Bwongereza.Umukino ubanza Real Madrid yari yatsinze Manchester City ibitego 3-2.Real Madrid yatangiye neza umukino kuko ku munota wa kane, bateye umupira muremure, Luis Dias ananirwa kuwukuraho, usanga Kylian Mbappé aroba umunyezamu Ederson, atsinda igitego cya mbere.Ku munota wa karindwi, Man City yagize ibyago ivunikisha myugariro John Stones wasimbuwe na Nathan Ake.Iyi kipe yo muri Espagne yakomeje gukina neza no guhusha uburyo bwinshi bw’ibitego. Ku munota wa 33, Vinicius Junior yazamukanye umupira yihuta, awucomekera Rodrygo wawukozeho gato awuha Mbappé wacenze neza atsinda igitego cya kabiri.Igice cya mbere cyarangiye Real Madrid iyoboye umukino n’ibitego 2-0.Mu igice cya kabiri, ikipe ya Real Madrid yakomerejeho kuko ku munota wa 61, Mbappé yazamutse neza atera ishoti rikomeye rigendera hasi atsinda igitego cya gatatu muri uyu mukino.Mu minota 70, ni bwo Man City yabonye ishoti rya mbere rigana mu izamu cyane ko wabonaga kubura rutahizamu Erling Haaland byayikozeho cyane.Mu minota ibiri y’inyongera, Man City yabonye impozamarira, kuri coup franc Omar Marmoush yateye umupira ukubita umutambiko usanga Nico Gonzalez atsinda igitego.Umukino warangiye Real Madrid yatsinze Manchester City ibitego 3-1, iyisezerera ku giteranyo cy’ibitego 6-3 mu mikino yombi.Indi mikino yabaye ku wa Gatatu, Paris Saint-Germain yanyagiye Brest ibitego 7-0, iyisezerera ku giteranyo cy’ibitego 10-0 mu mikino yombi.PSV Eindhoven yo my Buholandi yatsinze Juventus ibitego 3-1, iyisezerera ku giteranyo cy’ibitego 4-3 mu mikino yombi. Amakipe 16 azakina 1/8 cya UEFA Champions League Barcelona, Real Madrid, Atlético Madrid, Liverpool, Arsenal, Aston Villa, PSG, Lille, Inter Milan, PSV, Feyenoord, Benfica, Borussia Dortmund, Bayern Munich, Bayer Leverkusen na Club Brugge Tombola igaragaza uko amakipe azahura 1/8 iteganyijwe ku wa Gatanu tariki 21 Gashyantare 2025....
